Seba ke kirmanckî hema newe-newe akademî de caye xo girewto zaf xebatan re îhtîyacîya ma esta. Hema zî zaf fekane kirmanckî ser o xebatî nebîye û ne fekî “nimite” mende. Ma na xebata xo fekeke kirmanckî ye “nimite”yî ser o kerde. Yanî feke kirmancane ke mabene qezaya Çinarî ya Dîyarbekirî û qezaya Derike ya Merdînî de ye ser o, bi vatişeko bîn feke kirmancane derûdore Qerejdaxî ser o.
Ne kirmancî, derûdore xo de bi nameye eşîra xo “mehelî” yene şinasnayîş. Heta nika eşîra înan û ziwane înan ser o xebatî neameye kerdene û hayîya zaf kesan ne kirmancan ra çin a. Seba ke mehelî mabene mintiqayane kurmancan de ye û e û kurmancî yewbînî reyde zewijîyene, merdimî û embazî kene lehçeya înan roje bi roje hîna zaf bine tesîre kurmanckî de manena. Hetek ra zî hem kirmanckî hem kurmanckî zaf leze tirkî ver de apey şine. Ma na xebata xo de hem eşîra mehelîyan daye naskerdene hem zî ziwane înan ser o vindete û ziwane înan ra çend tekstî peşkeş kerde.
Size en iyi deneyimi sunmak için web sitemizde çerezler kullanılmaktadır. Çerezler, sunmuş olduğumuz hizmetlerin size özel ve tercihlerinize göre kişiselleştirilmiş içerikler olarak sunulmasına imkan tanır. Çerez Politika'mızı inceleyerek çerezler hakkında daha fazla bilgi alabilirsiniz.
